Como todos os anos o EDLG convoca un concurso de tarxetas de Nadal. Este ano as postais poden ser dixitais ou físicas. Consulta esta presentación e participa.
mércores, 9 de decembro de 2020
Concurso Tarxetas de Nadal 2020
Como todos os anos o EDLG convoca un concurso de tarxetas de Nadal. Este ano as postais poden ser dixitais ou físicas. Consulta esta presentación e participa.
martes, 1 de decembro de 2020
25 de Novembro. Nubes de palabras
Unha mostra representativa dos traballos presentados. Grazas a todos os que participardes
luns, 9 de novembro de 2020
domingo, 1 de novembro de 2020
domingo, 18 de outubro de 2020
Para celebrar o Samaín no IES David Buján o EDLG convoca tres concursos:
- Concurso de conxuros
- Concurso de contos
- Concurso de talla de cabazas
xoves, 15 de outubro de 2020
luns, 12 de outubro de 2020
Samaín 2020. Concurso de conxuros
Se queres gañar, vas ter que rimar
O Equipo de Dinamización da Lingua, en colaboración co Departamento da Lingua Galega, convoca o III CONCURSO DE CONXUROS para festexar o Samaín. Tes ata o 1 de novembro.
O conxuro é unha invocación, máis ou menos rimada, a poderes de toda índole (físicos, espirituais, morais, políticos, sobrenaturais, ...) para todo o que desexemos.
A finalidade deste concurso é crear conxuros para afastar todo aquilo que queiramos que desapareza das nosas vidas (violencia, maltrato, inxustizas, guerras, prexuízos, a contaminación...).
A finalidade deste concurso é crear conxuros para afastar todo aquilo que queiramos que desapareza das nosas vidas (violencia, maltrato, inxustizas, guerras, prexuízos, a contaminación...).
Exemplos
Ollos de sapo,
pata de ra,
que caiga a escola
pasadomañá.
Conxuros contra a néboa
Érguete néboa,
puta da serra,
filla dun can
e dunha cadela.
Aí vén san Xoán
co seu burro ruán
ai! que te mata
ai! que te papa
ai! que te leva
ao fondo do mar
a secar.
puta da serra,
filla dun can
e dunha cadela.
Aí vén san Xoán
co seu burro ruán
ai! que te mata
ai! que te papa
ai! que te leva
ao fondo do mar
a secar.
Outro diferente
Levántate, néboa,
do mar e da terra
que aí vén San Martiño
co seu ramalliño,
chorando e berrando
que te ha matar,
cortarche a cabeza
e tirala ao mar.
do mar e da terra
que aí vén San Martiño
co seu ramalliño,
chorando e berrando
que te ha matar,
cortarche a cabeza
e tirala ao mar.
ANÍMATE E FAI OS TEUS CONXUROS!!!
venres, 19 de xuño de 2020
Concursos de fóra do centro
- II Concurso de podcasts "Radio na biblio", en colaboración coa CRTVG (Radio Galega).
- Preme
- Remata prazo 31 de outubro 2020
mércores, 4 de marzo de 2020
PREMIOS: MAIL ART 2020
( autora: Diana Almirón Miragaya)
Aquí temos os premiados nesta edición
NORABOA A TODAS E TODOS
xoves, 6 de febreiro de 2020
24 de febreiro. Día de Rosalía de Castro
Achégase o Día de Rosalía de Castro, 24 de febreiro, data na que nace a autora. Rosalía de Castro é considerada a máis ilustre figura da lírica moderna e unha das máis altas da poesía española do século XIX, e a principal responsable do Rexurdimento galego decimonónico, xunto a Eduardo Pondal e Manuel Curros Enríquez.
O IES David Buján para celebralo organiza un concurso de tarxetas artísticas, mail art, que despois serán enviadas para difundir esa data por todo o mundo.
PARTICIPA
mércores, 5 de febreiro de 2020
xoves, 9 de xaneiro de 2020
Na Candeloria casan os paxariños
A candeloria é unha palabra que ten a orixe no substantivo latino candela -ae, ‘luz alimentada con cera ou sebo’, termo co que se crea no latín tardío festa candelarum, ‘a festa das candeas’, que chega a nós acurtando a locución. Celébrase o día 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera, (pola candeloria, medio inverno vai fóra, di tamén a cultura popular), no momento en que xa é evidente que medran os días e a natureza comeza a prepararse para o estourido de vida que está a chegar.
Sendo un intervalo relevante do ciclo estacional non é de estrañar que todas as culturas tivesen celebracións ao redor da data, sempre festexando a volta da luz e do desexo de fertilidade. Así, na mitoloxía celta, chamábanlle Imbolg, celebración na honra da deusa Brigit, protectora das colleitas, o gando e a fecundidade.
A voda dos paxariños
A partir da candeloria, ningunha ave voa soa, di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral. Da importancia que ten esta representación na imaxinaría tradicional europea dá conta a multitude de estampas nas que, desde tempos inmemoriais, o símbolo do amor e a unión sentimental son apaixonadas parellas de aves xuntando os peteiros. Tal é así que algunhas persoas defenden que, para nós, o 2 de febreiro debe ser a data do amor romántico, e non a que se celebra doce días máis tarde na honra dun crego romano do século III, chamado Valentín, representado cun rapazolo gordecho e voador que anda aseteando a xente… onde vai parar! Non hai comparación! (Tirado do Portal das Palabras)
CHÍOS CON AMOR
O Equipo de Dinamización da Lingua xunto do Departamento de Lingua Galega e o Equipo de Convivencia convocan una concurso de mensaxes de amor curtas (menos de 280 caracteres) que pode ter un destinatario-a folgado (namorado, namorada, pai, nai, amigos, lingua, ...)
Saca a túa personalidade sentimental e participa!!
martes, 3 de decembro de 2019
Concurso: Felicitacións de nadal
todos os anos o EDLG convocan un concurso de Felicitacións de nadal, tamén para podermos vivir un nadal en galego.
PARTICIPA
Subscribirse a:
Publicacións (Atom)